دعاء معظم المصريين, :D

>>اللهم أنقذنا من نفسنة الزملاء ..
>>
>>وغباء الأصدقاء ومفاجأة الأعداء
>>
>>اللهم ارحمنا من استبياع الجيل الجديد ..
>>
>> و حرائق السكة الحديد
>>
>> واستقصاد كل مدير.. ونداله القرايب الصغير منهم والكبير
>>
>>اللهم أغثنا من كل عميل .. ومن فواتير موبينيل
>>
>>اللهم أرحمنا من تشريفه عربيات المسئولين ، وزحمة الشوارع في كل حين
>>
>>وسحب الرخص في كل كمين .. من الغلبان مش م المتين
>>
>>اللهم أغثنا من أي مجنون
>>
>>ومن حرامية فودافون
>>
>>وابعد عنا اللى اسمه القانون
>>
>>عشان مانروحش في البونبون
>>
>>اللهم اهدى لنا سواقين الميكروباص
>>
>>ومدير الشركة البصباص
>>
>>ومن أي واحد ترباس
>>
>>عشان مايجيلناش احتباس
>>
>>واللي بيقفوا فـ وسط الشارع فجأة وبدون إشارة يمين
>>
>>اللهم ارحمنا من الشئون القانونية وشئون العاملين
>>واخرب بيتهم يارب العالمين
>>
>>اللهم قنا شر الكليبات ..
>>
>>وشر شلل البنات ..
>>
>>ولؤم الستات وغباوة الحموات
>>
>>والمينيمم تشارج في الكافيهات ..
>>
>>وهيافة الصحف والمجلات
>>
>>وقطع الحرارة فجأة عن التليفونات وقت الزنقات
>>
>>والمدارس اللي بتطلب تبرعات
>>
>>وتطلبها كمان بالألافات
>>
>>ووقوع السيرفر وقفلة السايتات
>>
>>اللهم ارفع مستوى الفريق القومي ..
>>
>>لمستوى إنبي والحدود .. أو حتى مستوى أسمنت أسيوط
>>
>>أو أرسل يارب عليه صاعقة .. بدل ما يخلونا نموت .
>>
>>اللهم افتح لجيلنا القديم الطريق الفسيح
>>
>>حتى ننظف انتخابات البلد من لعبة المراجيح
>>
>>وما ييجلناش واد شبيح
>>
>>فنان في النصب والتسريح
>>
>>اللهم ارحمنا من الاكتئاب مرض العصر والشباب
>>
>>واحمي يارب سماء مصر من سحابة الهباب
>>واكفنا شر صاحب التصريحات النصاب
>>
>>اللهم ارزق كل بنت بعريس هدية ..
>>
>>وكل شاب بوظيفة وشقة وعربية
>>
>>اللهم أضرب الحرامية بالحرامية
>>
>>ونجح أي طالب في أي كلية
>>
>>
>>آميــــــــن يــــارب العالميـــن